25N
O próximo 30 de Novembro , co motivo do 25N , haberá na casa da cultura de Allariz un espectáculo de teatro, dirixido especialmente a nenos de tódalas idades, e sobre todo ás nosas familias socias. Trátase da obra A Cabaleira , pensada para nenas e nenos de 6 a 12 anos (pero apta para tódalas idades). Valentina é unha princesa, destinada a ser a próxima Raíña. Pero para iso terá que buscar un cabaleiro que sexa Rei... ou non? Non pode ela gobernar e guerrear igual que un home? Que aventuras terá que correr para que todos saiban que ela é a mellor raíña posible? Podédesvos inscribir no noso whatsapp, no correo electrónico da anpa (anpapadrefeijoo@gmail.com). ¡¡E recordade, para vós, os socios, é completamente gratuito presentando o voso carné!!