Aberto prazo inscrición asociados

Estimadas familias,

Tal e como se acordou na asemblea anual ordinaria celebrada o pasado 27 de xuño de 2019, ábrese un prazo de inscrición de novos socios da ANPA Airiña. Nesa mesma asemblea acordouse que a cota por familia sería de 10 €/ano.

Para formalizar a inscrición so hai que cubrir un formulario cos datos dos asociados e pagar a cota correspondente. Este enviarase ás casas nasa mochilas xunto cunha nota informativa e estará tamén dispoñible para descargar na páxina de Documentación do blogue e na aula da que dispón a ANPA no colexio (enfronte da entrada), os martes de 9:15 a 10:30.

O formulario pódese entregar en man na aula no horario de atención, enviar por correo electrónico (anpapadrefeijoo@gmail.com) ou deixar no buzón da ANPA no colexio. Así mesmo, o pagamento pódese facer en man ou por ingreso no banco.
Co fin de facilitar as xestións e o funcionamento da ANPA, o prazo de inscrición rematará o vindeiro 29 de novembro.

Dende a directiva da ANPA consideramos moi importante que as familias con nenas e nenos no colexio se asocien, xa que sen elas a ANPA carece de sentido. Un maior número de opinións enriquecerá as decisións e actividades que se promovan como parte da comunidade educativa do centro.

Neste senso, dende hai anos a ANPA é a encargada de organizar as actividades do apalpador e dos paxes reais no colexio. Ademais participa no Consello Escolar cun representante que da voz as decisións que se toman en asemblea, promóvense actividades extraescolares e tamén se desenvolven programas coma “Allariz con Igualdade”.

Todo elo sen esquecer os fins da asociación, tal como se recollen nos estatutos:

• asistir ás nais e pais na educación das súas fillas e fillos,
• colaborar coas actividades educativas do centro e
• controlar a xestión do centro.

Pero para poder levar a cabo todas estas actividades e outras precísase da vosa colaboración como familias asociadas. Contamos con vós!

Un cordial saúdo da xunta directiva.