A ANPA Airiña tamén no WhatsApp

-
Bo día, dende a directiva da ANPA Airiña queremos informarvos de que a partir de agora imos a empregar o Whatsapp como ferramenta de comunicación directa coas familias asociadas. Por eso, se estás interesad@ en recibir información vía whatsapp da ANPA, só terás que engadir o noso número ós teus contactos.
O noso número é o:
teléfono anpa airiña
Só enviaremos a información máis relevante para as familias como convocatorias de asembleas e os seus resumos, consellos escolares, actividades da ANPA, convocatoria de axudas, avisos de folgas... Tamén o poderedes empregar para facernos chegar as vosas consultas, inquedanzas, queixas e felicitacións, xa que entendemos que para moit@s pode ser máis sinxelo que outras vías dispoñibles. De todos modos, a información xeral seguiremos publicándoa como ata o de agora vía Facebook, blogue e taboleiro do cole. Esperamos que sexa do voso interese, un saúdo!

Comentarios

Publicar un comentario

Grazas polo teu comentario, en breve aparecerá publicado no blogue.

Publicacións populares deste blog

Convocatoria de Asemblea Xeral Extraordinaria

-
A xunta directiva da ANPA convoca a celebración dunha asemblea xeral extraordinaria para o vindeiro xoves día 23 de xaneiro ás 18:00 horas en primeira convocatoria e ás 18:30 horas en segunda, no comedor do colexio Padre Feijoo de Allariz. A asemblea está aberta a tódalas familias que queiran participar e/ou teñan algo que aportar. A orde do día será a seguinte: Benvida ás familias asociadas e reparto dos carnés. Resumo das actividades desenvolvidas no primeiro trimestre do curso. Proposta de integración na Federación Provincial de ANPAs Públicas de Ourense “As Burgas”, e aprobación se é oportuno. Proposta de actividades e definición do programa xeral de actuación, de aquí ó vindeiro curso. Situación do comedor do colexio e proposta de actuacións. Información sobre o Consello Escolar do vindeiro 28 de xaneiro e definición da postura da ANPA nos temas a tratar. Rogos e preguntas.
Ler máis

Comezo actividades do programa Allariz con Igualdade II

-
Imaxe
 Unha vez organizadas as actividades en conxunto co profesorado do colexio, xa temos datas pechadas para realizalas. Tódalas actividades desenrolaranse cumprindo as normas hixienico-sanitarias que require a situación na que nos atopamos, co fin de manter o illamento dos grupos estables de convivencia do colexio.  As actividades que se van desenrolar no colexio son as seguintes: 1. “Semana da muller no arte: Xogando a pequenas grandes artistas" , dirixida ó alumnado de primaria. Esta actividade consistirá en amosarlles as obras das grandes artistas e as técnicas que utilizaban dende unha perspectiva de xogo libre pero organizado, no que o alumnado non se ve obrigado a conseguir un reto se non que tan só ten que deixarse levar pola experiencia e os seus sentidos. Inclúese unha breve introdución teórica do contexto histórico e algunha característica da súa personalidade en función da curiosidade do alumnado. As artistas que se abordarán para o es...
Ler máis

Comunicado sobre o Protocolo de adaptación ao contexto da covid 19 nos centros de Ensino da Consellería de Educación

-
Dende a directiva da ANPA Airiña queremos informar ás familias asociadas da publicación por parte da Consellería de Educación, Universidade e Formación Profesional o Protocolo de adaptación ao contexto da covid 19 nos centros de Ensino non Universitario de Galicia para o curso 2020-2021 [1][2]. Este protocolo foi presentado na mesa sectorial convocada o pasado 16 de xullo, á que, a pesar do seu nome, non se convocou a ningunha representación das familias. As organizacións sindicais que asistiron á mesa sectorial reclamaron a retirada do borrador e finalmente abandonaron a reunión, facendo un chamamento á mobilización social contra este protocolo que consideran unha falta de respecto a toda a comunidade educativa. Dende as organizacións sindicais convocáronse cazoladas na sede da Consellería en San Caetano (Santiago de Compostela), unha o pasado día 22 de xullo e outra o vindeiro 28 de xullo ás 11:30 horas. É importante lembrar que as recomendació...
Ler máis