Nós, a ANPA

 

QUE É A ANPA?

A ANPA é unha asociación de nais e pais de alumnos, cuxo obxectivo é colaborar co colexio -no noso caso o CEIP Padre Feijoo de Allariz- para conseguir melloras curso a curso.

Co gallo de acadar este propósito a ANPA necesita da colaboración das nais e pais dos alumnos que cursan estudos no colexio, erixíndose como un canal de comunicación entre as nais ou pais e a comunidade educativa.

RAZÓNS PARA ASOCIARSE A UNHA ANPA

• Porque a responsabilidade de educar ás nosas fillas e fillos é nosa e debemos implicarnos na súa educación.

• Porque as iniciativas e peticións dun grupo de famílias organizadas son vistas con maior respeto polas administracións públicas, o profesorado, a sociedade, etc.

• Porque hai un marco legal que ampara o noso dereito a participar na vida do centro escolar.

• Pola importancia de levar ós consellos escolares a presencia das familias, organizadas nunha ANPA, para defender os interesses de tódalas famílias e non soamente os individuais.

• Porque sendo familias participativas facilitamos que as nosas fillas e fillos sexan persoas implicadas nunha sociedade onde poidan expresarse, participar e corresponsabilizarse do seu propio futuro.

• Porque todos somos necesarios para mellorar a calidade de vidas das nosas fillas e fillos. PARTICIPAR É UN DEREITO PERO TAMÉN É UN DEBER SOCIAL.

• Porque as ANPAS deben traballar pola integración do Centro na súa contorna.

• Porque para realizar a formación activa das familias é preciso unir esforzos e ideas.

OBXECTIVOS

Este ano a ANPA do CEIP Padre Feijoo conta cunha nova directiva, un grupo de persoas ilusionadas coa idea de consolidar as metas alcanzadas pola directiva anterior, e plantexar novos retos e propostas que axuden a mellorar o colexio en todos os ámbitos. O noso principal interés é a educación nos nosos fillos e fillas, en colaboración cos profesores e o equipo directivo do centro, pero sin restarle importancia ás actividades lúdicas, educativas, deportivas, conciliación familiar e calquera outra que afecte ás famílias.

Algunhas das nosas prioridades son:

A loita contra o acoso, axudando activamente á creación dun entorno seguro e acolledor, onde o ambiente escolar sexa positivo e seguro, onde as nosas fillas e fillos síntanse valorados, fortalecendo a súa autoestima e benestar. 

Realizar visitas periódicas ás instalacións do comedor e da cociña, a fin de valorar o seu funcionamento e mellorar calquera deficiencia.

Colaboración activa coas famílias que plantexen calquera problemática, e cuxa resolución estea ao noso alcance. O canal oficial de comunicación coa ANPA a disposición dos usuários é o correo andapadrefeijoo@gmail.com, indicando os datos persoais, o número de socio e o tema ou problema do que lle gustaría falar.

Apoiar ás famílias con charlas informativas sobre distintas cuestións que nos axuden a todas e todos cunha crianza respetuosa, amábel e efectiva.

Realización de talleres lúdicos e educativos que favorezan a transmisión e creación de valores comunitarios, de igualdade, solidariedade, coidado e respeto á natureza, etc.

Compromiso firme na búsqueda de solucións satisfactorias a calquer conflicto ou problema que coñezamos. 

As socias e socios contarán con importantes descontos en diferentes establecementos.

Por último, soamente quédanos pedir a máxima colaboración por parte das familias, pois canto maior sexa a representación de socias e socios, maior forza e impulso acadaremos.

ANIMÁDEVOS A PARTICIPAR!
Moitísimas gracias pola vosa atención!
Feliz Curso 2024-2025