Creactivity - Obradoiro itinerante en Allariz

 Estimadas familias! 

Informámosvos que os próximos días  24 e 25 de febreiro de 2025 o espazo itinerante Creactivity, deseñado por Fundación  «la Caixa», visitará ALLARIZ  e queremos convidarvos a participar.

 

A Fundación «la Caixa», a través do seu programa EduCaixa, ofrece á comunidade educativa recursos, actividades e programas educativos dirixidos ao alumnado e profesorado de educación infantil, primaria, secundaria, bacharelato e ciclos formativos de grao medio, coa finalidade de promover o desenvolvemento competencial dos máis novos.

  

Creactivity é unha das actividades que se impulsan desde EduCaixa, e está dirixida a grupos escolares de 1.º a 6.º de primaria e 1.º e 2.º ciclo de educación secundaria. Un facilitador acompaña os alumnos a través dun proceso de creación, en sesións gratuítas de 60 minutos por clase (25 alumnos aprox.).

 

Que ofrece?

A través dun contexto innovador de aprendizaxe inspirada no movemento Tinkering do Exploratorium de San Francisco, Creactivity propón atopar solucións orixinais para problemas sinxelos, e anima a ser creativos e aprender dos erros, potenciando a innovación a través da experimentación e o pensamento crítico e creativo.

 

O espazo permite investigar, formular retos concretos, pensar solucións, inspirarse, compartir, colaborar, improvisar, traballar en equipo e moito máis.

 

Os alumnos traballarán competencias transversais no ámbito matemático, científico e tecnolóxico.

 

Onde se realiza?

O espazo itinerante Creactivity estará situado CAMPO DA BARREIRA

Para concertar visitas e reservar datas ou realizar calquera consulta, podes chamar ao teléfono gratuíto 900 101 493, no que poderás reservar ou informarte.